Sumarið komið

Jæja nú held ég að sumarið sé komið. Það voru 19 stig í gær en rok. Núna er ekki eins heitt en það er logn og sólin lætur sjá sig. Berghildur er samt alveg á því að það sé rigning !! ég skil það ekki alveg en hún er úti í sólinni í regngallanum og inniskóm - er að fara að hjóla. Þau verða að fá að vera þau sjálf .

Almar Þór er á Reynhólum í sauðburði, fór í gær og fékk að gista. Honum finnst þetta alveg frábært.

Í dag eru skólaslitin og þá eru nemendur komnir í sumarfrí. Strax eftir skólaslitin brunum við suður en Eoghan er að útskrifast úr Listaháskóla Íslands. - Til hamingju -  Að því tilefni ætlar fjölskylda hans og Katrínar (ég og fl.) að fara flott út að borða. Það verður æðislegt.

Þetta er frábært...

Þetta er frábær frétt - stubbarnir ýta undir samkynhneigð  Vá hvað staða samkynhneigðra er langt á eftir miða við síðustu fréttir frá Póllandi og Rússlandi (Moskvu). Þetta er nú meira ruglið !!

Pólsk yfirvöld rannsaka hvort Stubbarnir séu samkynhneigðir

Íþróttaleysi hjá Almari og sagan um Rauðhettu...

Jæja þá er komið að vikulegu bloggi mínu um börnin. Vikan er búin að vera fín, tíminn líður hratt og það er í rauninni alltaf helgi - ekki leiðinlegt.

Eins og flestir vita var Almar Þór í íþróttum á hverjum degi eftir skóla og nú er það allt búið í bili. Ég finn alveg svakalega fyrir því, því nú á hann erfitt með að sofna á kvöldin, þó hann sé á fullu allan daginn. Honum líður greinilega mjög vel þegar hann er líkamlega vel þreyttur.

Berghildur Björt er svolítið svekkt yfir að vinir hennar, Ársæll, Tristan og Aron Óli, eru komnir yfir á Bláagarð en ekki hún. Ég held að það sé bara fínt fyrir hana að leika líka við einhverja aðra og viti menn hún byrjuð að velja sér að fara í pils og kjóla Ýmislegu átti ég von en .....

Í gærkvöldi lágum við BBE upp í rúmi og ég sagði henni söguna um hana Rauðhettu. Eitthvað gekk mér erfiðlega að segja hana því hún var í því að stoppa mig og mótmæla, sagði " nei mamma, þetta er ekki svona". Þetta fór ekki að ganga fyrr en ég sagði að mín saga hefði gerst á sunnudegi en sagan hennar á mánudegi. "óó - ég skil" sagði þá BBE og ég fékk að halda áfram með söguna

E.s. hvernig væri nú að kvitta fyrir sig í athugasemdum eða gestabók?

Kormákshlaup og tannleysi...

Í dag var Kormákshlaup (4 skipti af 4) og verðlaunaafhending. Almar var í fyrsta sæti í drengjaflokki fæddir árið 2000 og síðar. Hann er líka orðinn hálftannlaus, missti 3 tennur á 4 dögum!!!

Myndir

 Almar Þór og Fíasól

 

 

 

 

 

 

Berghildur Björt

 

 

Berghildur Björt og Hilmir Rafn

 

Hlaupabóla.....

Ég er svo heppin að börnin mín eru afskaplega hraust. Almar Þór hefur ekki misst dag úr skóla vegna veikinda (2x hálfan dag þegar hann var í leikskóla) og ég hef 2x þurft að ná í Berghildi Björt úr leikskóla vegna magaverkja. Þar af leiðandi álíta þau að veikindi séu frekar spennandi kostur- liggja upp í sófa og horfa á vídeo . Í gær voru þau, ásamt fleirum börnum að leika sér út í garði og þau fara að tala um hlaupabólu... BBE spyr hvernig maður fái hlaupabólu og AÞE hélt því fram (til að stríða systur sinni) að til þess þyrfti að hlaupa mjög mikið og taka góða spretti. BBE var ekki lengi að fara af staða og hljóp eins hratt og hún gat, upp og niður götuna - til að fá hlaupabóluna

Sumarblíða

Getur þetta verið betra. Núna sit ég úti í garði í 19 C hita og sól. Egill og Berghildur Björt í pottinum og Almar að leika sér með fótboltann. Í morgun fór fjölskyldan á Kormákshlaup og Almar Þór hljóp í sínum flokki og gekk svona líka ljómandi hjá honum.

Á mánudaginn ætlum við í sumarbústað til Guðrúnar og Þrastar en þau eru með bústað í Munaðarnesi fram á þriðjudags. Spáin lofar góðu þannig að þetta verður frábært frí.

Sumarkveðja

Laugarbakkaskóli fyrir langa löngu...

Á síðunni: http://hjolandi.rugludallur.com/lbs eru frábær myndbönd, sérstaklega myndböndin frá árshátíð 1986 og 1989. (Minn árgangur útskrifaðist vorið 1989) Þetta er alger snilld. Ég er kynnir á árshátíð 1988 og 1989 og ég held að ég sé bara alveg eins......

Sumardagurinn fyrst

Það er yndisleg tilhugsun að á morgun er fyrsti sumardagur ársins en skólinn ákvað að lengja helgina og þvi verður vetrarfrí í skólanum annan sumardag. Flott?

Á morgun ætlar Almar að taka þá í Kormákshlaupi og síðan verður hátíð í Félagsheimilinu á Hvammstanga þar sem nemendur í 1.-6. bekk ætla m.a. að syngja nokkur lög. Annars ætlum við að gera ýmislegt s.s. að vera heima, að vera heima og síðast en ekki síst vera heima. Ekki leiðinlegt

Berghildur Björt íþróttaálfur

Hún Berghildur fer sínar leiðir. Hún hefur lengi verið hrifin af Latabæ og þá fyrst Sollu. En nú vill hún ekki sjá Sollu heldur kemur aðeins Íþróttaálfurinn til greina. Nú vill hún aðeins vera í íþróttaálfsfötum og skammar móður sína á morgnanna ef mamman hefur ekki náð að þvo fötin og þurrka á meðan álfurinn sefur. Um daginn vorum við mæðgur í Smáralindinni, sem er nú ekki merkilegt, en Berghildur var í íþróttaálfsgallanum sínum, skónum og með buffið. Hún fékk mikla athygli og margir hrósuðu henni fyrir að láta ekki aðra segja henni hvað hún á að gera. Þetta var nú voða sniðugt fyrst en aftur á móti var þetta farið að fara í taugarnar á mér en ég var mikið að spá í hver viðbrögð fólks yrðu ef ég væri með Almar í Sollufötum. Fengi hann sömu jákvæðu viðbrögðin og Berghildur?