Á Spáááááni

HOLA amigos. Jæja nú er litla fjölskyldan komin til Spánar . Við erum hér með mömmu og pabba -  Katrínu og Brónu-  Eddu, Emil og Ingu Bjarteyju - Möggu, Kára, Hilmi og Arnóri. Við erum í þremur raðhúsum sem eru hluti af einum hring. Þetta er bara paradís með sundlaug í miðjunni. Hitinn er búinn að vera um 20-25 gráður og sól en í dag er reyndar rigning og aðeins 14 stiga hiti- það var eins gott að ég tók ullarpeysuna mína með mér . 

Við erum búin að gera ýmislegt s.s. fara í góðan bíltúr, skoða hella, gamlan bæ og auðvitað fara á ströndina. Það er bara gaman. Einnig fórum við Katrín á írskan pöbb að tilefni Saint Patricks day og slóum í gegn í Karokí .... já það var rétt The Eskimos sisters sungum í Karókí og slóum auðvitað í gegn - reyndar voru þeir Írar sem voru á barnum mjög eðlilegir og sungu mjög "eðlilega".

Mynd dagsins er af hópnum á leið á ítalskan veitingastað (við erum samt á Spáni). Bið að heilsa í bili en ég held að það sé kominn tími á að skoða "mollin" hérna fyrst það er rigning. Hasta luego amigos

 

Þetta er frekar neyðarlegt og mjög fyndið...

... ferlega fyndið  

Gott að vera ungur í anda.....

Þetta er frábært myndband. http://www.hugi.is/hahradi/bigboxes.php?box_id=51208&f_id=1785

Góða skemmtun

Kjaftasögur og fleira....

Sko... ég er ekkert endilega að tala um mig og kjaftasögur um mig.... heldur er oft tilfellið að kjaftasögur verða til þegar einhver dregur ranga ályktun út frá einhverju bulli. Þannig að þið getið alveg hætt að spyrja mig út í þessa bullkjaftasögu um mig - ég er búin að heyra ýmsar bullsögur um marga - ekki bara mig og hana nú .

Annars er allt fínt að frétta úr sveitinni, við erum alltaf upp í hesthúsum að hafa það gaman. Þetta er yndislegt. Ég og Almar vorum í reiðtúr í dag og ég og Berghildur fórum líka í reiðtúr í gerðinu - ekki leiðinlegt. Börnin eru orðnir svo miklir hestamenn að þau tala um skjótta hunda

Góða helgi

Lítið samfélag...

Mér finnst alveg yndislegt að búa í svona litlu samfélagi eins og Húnaþingi vestra. Kostirnir eru mjög margir s.s. mjög gott fólk sem standa bak við mann eins og fjölskylda, Almar Þór búinn að fara á æfingar og tónlistaskólann þegar ég sæki hann úr gæslu kl. 16, frábært fólk í hesthúsinu sem m.a. passa fyrir mig þegar ég fer í reiðtúr og lána mér þvílíka gæðinga, skemmtilegt samstarfsfólk í vinnunni - oft mikið hlegið í vinnunni, góð og persónuleg þjónusta í mörgum fyrirtækjum og svona mætti lengi telja en svo það er einn galli en það er kjaftagangurinn. Stundum er eitthvað sannleikskorn í sögunum en þegar það eru hreinlega búnar til sögur   þá finnst mér fólk ganga of langt og það hlýtur segja meira um fólkið sem er að búa til sögurnar heldur en þá sem sagan er um. En aftur á móti finnst mér flott þegar fólk spyr aðilann sem sagan er um, hreint og beint út um söguna.  Ekki trúa öllu sögunum sem eru núna í gangi  

Fastan....

Almar Þór: " Mamma, í gamla, gamla daga var það þannig að eftir sprengidag mátti maður ekki borða kjöt!! .....ekki einu sinni hugsa um kjöt !!! .... þá var maður settur í fangelsi. Lentir þú einhvern tímann í því?" !!!!!!!!  Ég vissi ekki alveg hvernig ég átti að taka þessu

Ungmennafélagsandi hvað???

Þetta er nú meira kjaftæðið með þennan ungmennafélagsanda! Ég og Spói mættum á svellið og UNNUM áhugamannaflokkinn!!! Já það voru fleiri keppendur....... og allir vanir hestamenn. Þannig að ég verð núna mjög leiðinleg næstu daga, því "hestaegoið" er frekar hátt uppi. Ég vil sérstaklega taka það fram að ég var á mjög góðum hesti sem Guðrún Ósk Steinbjörnsdóttir á, tamdi og þjálfaði - bara að það komi fram

 

"Mamma! Ég og Ársæll ætlum að gifta okkur.."

" ok mamma, það tekur tvo daga að giftast er það ekki? Sko fyrir börn, er það ekki?"  Já þetta er ekki flóknara en þetta. Berghildur Björt 4 ára ákveðin dama tilkynnti mér þetta um daginn. Síðan sagði hún við mig tveimur dögum síðar þegar við vorum á leiðinni inn í leikskólann " ég vona að Ársæll komi í dag við ætlum nefnilega að gifta okkur í dag"  Ég er reyndar aðeins sár yfir því að vera ekki boðin en ég verð bara að taka því

Annars er allt í ljóma. Reyndar er ég að fara að keppa á hestinum Spóa í tölti á ís á Gauksmýratjörn !!! Já þetta var rétt lesið - þetta er bara til gamans, kann ekki ra..... en ég hef alltaf aðhyllst ungmennafélagsandanum; þetta er ekki  spurningin um að vinna heldur að vera með  - þetta á sérstaklega vel núna

341 dagur til jóla.

Ég er hugsum að vera með teljarann bara á út árið til að geta hafið undirbúning snemma. Ekki veitir af!!!

 Annars er bara allt fínt að frétta af fjölskyldunni. Alltaf gaman í vinnunni (skemmtilegt samstarfsfólk og yndisleg börn), frábært að fara í hesthúsin og þar sem ég er ekki búin að fá minn gæðing inn (kemur á morgun) hef ég fengið að prufa aðra hesta í hesthúsinu. Þetta er svo gaman að ég er hugsum að taka að mér að þjálfa skemmtilega hesta - ath aðeins skemmtilega hesta .

Góða helgi kæru vinir  

Margt í gangi....

Það má eiginlega segja að fjölskyldan er frekar þreytt þessa dagana. Allir að koma sér í gang eftir jólin og nú förum við einnig upp í hesthús á hverjum degi.  Njáll kominn í hesthúsið , búið að járna og  krakkarnir farnir á bak, það var þvílíkt gaman. Eins og er, eru þau mjög spennt að fara og alltaf til en það er annað þegar ég er að reyna að koma þeim út úr hesthúsinu, þá fæ ég svip frá dóttur minni og ég hef oft séð hann talsvert fallegri ef ég vil fara heim fyrir gjöf !!!  Þessa dagana er sem sagt komið heim um 7, borðað og farið að sofa. Reyndar hefur Berghildur Björt minnst á þá hugmynd að það sé líka hægt að gist í hesthúsinu hjá honum Njáli!!! Bráðum tökum við líka Höfðingja inn (hestinn sem ég ætla að vera á).

Almar Þór er líka byrjaður að læra á trommur. Það er mikill áhugi, mikið æft á kvöldin og þá helst við hliðina á móðurinni!  Í gærkvöldi hugsaði ég mikið um hvað það væri yndislegt að eiga bílskúr!! Ég hef nú smá áhyggjur hvort það sé of mikið að gera hjá Almari en hann er núna bæði að læra á píanó og trommur (í hálfu námi í hvoru), æfa íþróttir daglega og í hestamennsku. Reyndar er talsvert auðveldara að sofna núna heldur en í byrjun janúar en maður verður bara að fylgjast með.

Kveðja úr Laugabólinu